IREO TOLOTRA MISY ATO AMIN’NY FIANGONANA
Fifaliana ho anay ny maneho anareo ny tolotra misy ao amin’ny Fiangonantsika
Hetsiky ny fiangonana & Samihafa
Ankoatr’ireto asan’ny Fiangonana ireto , amin’ny maha Fiangonana Misionaly azy, dia azonao atrehina ny fotoana rehetra ao am-piangonana ka anasana anao izany…
Manana ny Rafitra izay irafetany ny FLM Ivato, koa dia eto no ahitanao izany, miaraka amin’ny tantarany
Ireo Boky ianarantsika
NY MAHA IZY AZY NY FLM FAMONJENA IVATO
NY FINOANY
Ny Fiangonana Loterana Malagasy dia mino sy manaiky ary mampianatra fa ny Soratra Masina dia ny Boky Kanonika ao amin’ny Testamenta Taloha sy ny Testamenta Vaovao, no
Teny nambaran’Andriamanitra. Izany Soratra Masina izany no hany fototra iorenan’ny
finoany sy ny fampianarany ary ny fiainany sy ny asany.
NY FIKENDRENY
Fampielezana ny Filazantsaran’i Jesosy Kristy manerana an’i Madagasikara sy ny tany hafa koa.
Fanabeazana sy fampiorenana ny olona amin’ny finoana sy ny fiainana kristiana, ary ny asa amin’ny alalan’ny fitoriana sy fampianarana marina sy madio ny Tenin’Andriamanitra, ary
ny fampiasana marina araka ny Tenin’Andriamanitra ny Sakramenta.
Fijoroana ho vavolombelon’ny fahamarinan’Andriamanitra amin’ny teny sy ny fiainana ary ny asa, amin’ny mahampaminany ny Fiangonana eo amin’ny Firenena sy izao tontolo izao..
NY ASANY
Fitoriana ny Filazantsara sy fizarana ny Sakramenta, isam-piangonana, isan-tanana ary amin’ny toerana rehetra.
Fanorenana Fiangonana.
Fampianarana sy » Fanabeazana ao anivon’ny Fiangonana sy eo amin’ny Firenena.
Fanasoavana ny vahoaka sy ny Firenena, izay mikendry fampandrosoana sy fahasalamana ary fahatsaran’ny fari-piainan’ny olona, tsy anavahana finoana na fihaviana.
Fanarenana ny fiainan’ireo mahantra amin’ny alalan’ny fanampiana mivantana sy ny fanofanana ho amin’ny fampandrosoana.
Fanatsarana ny fitandremam-pananana sy fanamafisana ny Fizakantenan’ny Fiangonana.
FANABEANA KRISTIANA
Fanabeazana ny kristiana rehetra amin’ny fampianarana Soratra Masina sy fanolokoloana ny aim-pinoany amin’ny alalan’ny fotoam-pivavahana, fikambanana samihafa, famangiana
tanana sy tokantrano.
FITAIZANA
Fikarakarana ny olona ivelan’ny Fiangonana amin’ny fitoriana aminy ny Filazantsara sy ny fanaovana asa fanasoavana sy fiantrana ary fampandrosoana samihafa.
MIARA-MIENTANA
Fanorenana trano samihafa ho enti-manatanteraka ny asan’ny Fiangonana, fikojakojana azy ireny mba haharitra sy ho mendrika ny voninahitr’Andriamanitra. Manao ezaka mitohy sy maharitra momba ny fitandremam-pananana sy ny Fizakantena.
IREO RAIAMANDRENY ao amin’ny FIANGONANA
Pastora RASOLONJANAHARY Hobinirina Riri Harivelo
Mpitondra FITANDREMANA
Pastora RANDRIANARISON Fidel
MPIARA-MIASA
Katekista RAVOLOLONIRINIMARA Felana
Mpiara-miasa
LEBABY Hervé Marcellin Filoha Lefitra Loholona
Rijambolana Mpitantsoratra ara-bola
FANOMEZANTSOA Henri Noel Mpitahirivola
RAJAONASY Solotiana Mpitantsoratra Fandraharahana
Ramatoa RASOLONJANAHARY Volahantanarianja Sarah Filoha FBL
